Аргентина чемпионати федерация можароси ортидан танаффус олади
Аргентина чемпионатида бир ҳафталик танаффус эълон қилинди: 9-тур учрашувлари кейинроқ санада ўтказилади. Бунга мамлакат футбол федерацияси атрофида яна бир бор кўтарилган коррупция ва молиявий шубҳалар сабаб бўлди. Бу ҳақда euro-football.ru хабар беради.
Эътиборлиси, 7 ва 8-тур ўйинлари режа бўйича ўтади, пауза эса айнан 9-турга тўғри келади. Тақвимга кўра, бу тур 5–8 март кунлари бўлиб ўтиши керак эди. Қарор 5 март куни AFA президенти Клаудио Тапиа трибунал олдида жавоб бериши кутилаётгани билан боғланмоқда.
derbyderbyderby.it хабарига кўра, собиқ футболчилар ва ходимларга пенсия тўловлари билан боғлиқ схема орқали 19 миллиард песо миқдоридаги солиқ тўловларидан қочилган бўлиши мумкин. Еврода ҳисобланганда бу қарийб 12 миллионни ташкил этади. Шунингдек, федерация пул ювиш жараёнларида ҳам иштирок этган бўлиши эҳтимоли тилга олинмоқда.