Слуцкий бошқарувидаги «Шанхай Шенчхуа» «Бурирам»га ютқазди
«Шанхай Шенчхуа» Осиё Чемпионлар лигасида 7-турдан кейин плей-оффга чиқиш имкониятидан маҳрум бўлганди. 8-турда «Бурирам Юнайтед»га қарши баҳс Леонид Слуцкий жамоаси учун турнир билан хайрлашиш олдидан сўнгги уриниш эди, бироқ буни уддалай олмади. Бу ҳақда euro-football.ru хабар беради.
Таиланд клуби 2:0 ҳисобида ғалаба қозонди. «Бурирам Юнайтед» учрашув бошидаёқ кетма-кет икки гол уриб, ўйиннинг йўналишини белгилаб қўйди. Тез орада «Шанхай Шенчхуа» бир футболчига камайиб қолганидан кейин эса интрига деярли сўнди.
Қайд этилишича, Леонид Слуцкийнинг «Шанхай Шенчхуа» билан амалдаги шартномаси 2027 йил охиригача мўлжалланган.