Аутсайдерлар баҳсида «Санкт-Паули» «Вердер»дан устун келди
Бундеслига 23-турида «Санкт-Паули» ва «Вердер» ўртасидаги учрашувда хавфли вазиятлар жуда кам бўлди. Шунга қарамай, мезбонлар яратган имкониятларидан унумли фойдаланди ва ўйин якунида 2:1 ҳисобида ғалаба қозонди. Бу ҳақда euro-football.ru хабар беради.
Биринчи бўлим суст темпда ўтди, танаффусдан кейин эса эпизодлар кўпайди: Самуэл Мбангула жарима майдони ичида зарба берди, дарвозабон эса аъло реакция билан қутқарди. 56-дақиқада Данел Синанининг узатмасидан сўнг Хауке Вал бош билан ҳисобни очди — 1:0.
Орадан кўп ўтмай, Йован Милошевич қайтган тўпни дарвозага жойлаб, мувозанатни тиклади — 1:1. 71-дақиқада эса «Санкт-Паули»нинг навбатдаги ҳужуми гол билан якунланди: Манолис Салиакас ассист муаллифи бўлди, Йоэл Чима Фудзитанинг аниқ зарбаси билан мезбонларга ғалаба келтирди — 2:1.
Ушбу натижадан сўнг «Санкт-Паули» уч очкони қўлга киритиб, «Вердер»ни қуйи зона томон сиқиб чиқарди. Мезбонлар эса жадвалда пастдан учинчи ўринда бормоқда.