Анчелотти собиқ «Реал» юлдузларидан уч нафарини ажратиб кўрсатди
Бразилия терма жамоаси бош мураббийи Карло Анчелотти «Реал» сафида тўп сурган айрим футболчилар келажакда мураббийликда ҳам ўзини кўрсатиши мумкинлигини айтди. Бу ҳақда euro-football.ru хабар беради.
Мутахассис Тони Кроос, Каземиро ва Лука Модрични алоҳида тилга олиб, улар мураббий бўлиш учун етарли билим ва тажрибага эга эканини қайд этди. Анчелоттининг сўзларига кўра, у бу уч футболчи билан айрим қарорлари ва ёндашувларини муҳокама қилган.
Кроос фаолиятини аллақачон якунлаган: германиялик ярим ҳимоячи Евро-2024дан кейин футбол билан хайрлашди. Каземиро ҳамон «Манчестер Юнайтед», Модрич эса «Милан» сафида майдонга тушишда давом этмоқда.
Эслатиб ўтамиз, Анчелотти ўтган йили «Реал»дан кетгач, Бразилия терма жамоаси бошқарувини қабул қилиб олган.