«Реал Соседад» Захарян бўйича ёзги қарорини маълум қилди
Испаниянинг «Реал Соседад» клуби россиялик ярим ҳимоячи Арсен Захарян билан боғлиқ режалари борасида аниқ позициясини билдирди. Бу ҳақда euro-football.ru хабар беради.
Ла Лиганинг 25-турида сан-себастьянликлар «Реал Оведо» билан 3:3 ҳисобида дурранг ўйнади. Захарян 77-дақиқада захирадан майдонга тушди ва бир неча вазиятдан фойдалана олмади. Бу учрашув у учун жароҳатдан кейинги илк ўйин бўлди. Ўйиндан сўнг мухлисларнинг бир қисми ярим ҳимоячини имкониятларни бой бергани учун танқид қилди.
Клуб матбуот хизмати вакили Йон Андер Мундуате Sport24'га берган интервьюсида ижтимоий тармоқлардаги салбий постлар ким томонидан ёзилаётганини билмасликларини айтди. Унинг таъкидлашича, бош мураббий Захарян ҳақида ижобий фикрда ва «Реал Соседад» бу ёзда футболчини сотиш масаласини кўриб чиқмаяпти. Клуб Захарян жамоа билан бирга ўсишда давом этишини кутмоқда.
22 ёшли Арсен Захаряннинг «Реал Соседад» билан амалдаги шартномаси 2029 йилгача мўлжалланган.