Слуцкий бошқарувидаги «Шанхай Шэньхуа» турнирни мағлубият билан якунлади
Осиё Чемпионлар лигасида «Шанхай Шэньхуа» етти турдан сўнг плей-оффга чиқиш имкониятидан маҳрум бўлганди. 8-турда «Бурирам Юнайтед»га қарши баҳс Леонид Слуцкий жамоаси учун турнир билан хайрлашиш олдидан сўнгги имконият эди, бироқ «эшикни қаттиқ ёпиб» кетишнинг иложи бўлмади. Бу ҳақда euro-football.ru хабар беради.
Учрашувда тайланд клуби 2:0 ҳисобида ғалаба қозонди. «Бурирам Юнайтед» биринчи бўлимнинг дастлабки дақиқаларида икки бор рақиб дарвозасини ишғол қилди: 11-дақиқада Гуд Кўртис, 22-дақиқада эса Муеанта Супханат гол урди. Кўп ўтмай «Шанхай Шэньхуа» бир футболчига камайиб қолди ва бу ўйиндаги интрига деярли йўқолди.
Таъкидланишича, Леонид Слуцкий билан «Шанхай Шэньхуа» ўртасидаги амалдаги шартнома 2027 йил охиригача мўлжалланган.