Фигу «Реал»га ўтмайман деган гапим хато бўлган
Бир пайтлар Луиш Фигу «Барселона»дан «Реал»га ўтишга журъат қилган ва бу қарор ортидан «Камп Ноу»да уни хиёнаткор сифатида кескин қарши олишган. Португалиялик собиқ юлдуз ўша воқеалар ҳақида яна бир бор фикр билдирди. Бу ҳақда euro-football.ru хабар беради.
Фигу The Obi One подкастида ўша учрашувда ўйин ҳатто тўхтатилганини, майдонга турли буюмлар улоқтирилганини эслади. Унинг айтишича, вазиятни «Барселона» атрофидаги матбуот янада кескинлаштириб юборган, шов-шув эса тобора катталашиб борган ва ортга йўл қолмаган.
«Интервьюда ҳеч қачон “Реал”га ўтмайман деганим хато бўлган», — дея тан олди Фигу.
Ҳозир Ла Лигада «Реал» пешқадам, «Барселона» эса икки очко ортда қолиб иккинчи ўринда бормоқда.