«Бока Хуниорс» спорт директори лавозимига Марсело Делгадо тайинланди
Аргентинанинг «Бока Хуниорс» клуби янги спорт директори ким бўлишини расман эълон қилди: бу лавозимни Марсело Делгадо эгаллади. У клуб президенти, «Барселона»нинг собиқ футболчиси Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
«Бока Хуниорс» таркибни тез фурсатда кучайтиришга муҳтож экани таъкидланмоқда. Энди Делгадо ва Рикелме трансфер бозорида жамоани зарур позициялар бўйича мустаҳкамлаш устида ишлашига тўғри келади.
Марсело Делгадонинг футболчи сифатидаги фаолияти ҳам эътиборга молик: у 1995–2002 йилларда Аргентина терма жамоасида 18 учрашув ўтказган, жумладан 1998 йилги жаҳон чемпионати баҳсларида ҳам майдонга тушган.
Делгадо 2003 йилда Либертадорес кубогида энг кўп гол урган футболчилар қаторидан жой олган. У бу кўрсаткичда «Сантос» ҳужумчиси Рикардо Оливейра билан бирга турнир тўпурари бўлган.