«Бока Хуниорс» спорт директори лавозимига Марсело Делгадо келди
Аргентинанинг «Бока Хуниорс» клуби янги спорт директори тайинланганини расман маълум қилди. Бу лавозимни Марсело Делгадо эгаллади ва у клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтиришга эҳтиёж сезмоқда. Шу сабабли Делгадо ва Рикелме дуэти трансферлар ҳамда спорт сиёсати бўйича яқин кунларда фаол иш олиб бориши кутилмоқда.
Делгадо футболчилик даврида ҳам катта тажриба тўплаган: у 1995–2002 йилларда Аргентина миллий жамоасида 18 та ўйинда майдонга тушган, жумладан 1998 йилги жаҳон чемпионатида ҳам иштирок этган.
Шунингдек, 2003 йилда у Либертадорес кубогининг энг яхши тўпурари бўлган — бу кўрсаткичда «Сантос» ҳужумчиси Рикардо Оливейра билан бир хил натижа қайд этган.