Осимҳен «Галатасарай»да ўзини яхши ҳис қилмоқда, аммо кузатувчилар бор
Ҳужумчи Виктор Осимҳен ҳозирча «Галатасарай»даги ҳолатидан мамнун ва клубини алмаштириш зарурлигини сезмаяпти. Нигериялик футболчига жамоа муҳити ва таркиб мос келаётгани айтилмоқда. Бу ҳақда euro-football.ru хабар беради.
Шу билан бирга, The Touchline манбаси ёзишича, ёзги трансфер ойнасида бир нечта топ-клуб Осимҳен номзодига қизиқиш билдириши мумкин. Бироқ ҳозирча аниқ алоқа ёки музокаралар ҳақида гап йўқ.
Қайд этилишича, эҳтимолий трансфер бўйича якуний қарор кўп жиҳатдан Осимҳеннинг ўз хоҳишига боғлиқ бўлади.
Осимҳен «Галатасарай» сафида 64 та расмий учрашув ўтказиб, 52 та гол урди ва 13 та ассист қайд этди.
Transfermarkt портали 27 ёшли ҳужумчини 75 миллион еврога баҳоламоқда.