Чемпионлар лигасида «Интер»ни майдон сифати ғазаблантирди
Чемпионлар лигаси плей-офф босқичи илк учрашувида «Будё-Глимт» ўз майдонида «Интер»ни 3:1 ҳисобида мағлуб этди. La Gazzetta dello Sport хабарига кўра, миланликлар ўйин стандартларига жавоб бермайдиган майдонда ўйнашга мажбур бўлгани учун норози. Бу ҳақда euro-football.ru хабар беради.
Маълумки, «Будё-Глимт» сунъий қопламали стадионда ўйнайди. Учрашувдан олдин «Интер» норасмий тарзда УЕФАга мурожаат қилиб, майдон ҳолати футболчилар хавфсизлигига таъсир қилиши мумкинлигидан хавотир билдирган. Баҳсдан кейин эса «нерадзуррилар»нинг жаҳли янада чиқди — Лаутаро Мартинес жароҳат олди.
Жавоб ўйини сешанба, 24 февраль куни «Интер» майдонида бўлиб ўтади.