Алексей Никитин ҳозирги «Милан» парадокс жамоа эканини айтди
Аввалроқ «Уфа», «Ротор» ва яна бир қатор клубларда тўп сурган ҳимоячи Алексей Никитин «Милан»нинг сўнгги натижалари ҳақида фикр билдирди. 18 февраль куни «Комо»га қарши ўйинда миланликлар 1:1 ҳисобида дуранг қайд этди. Бу ҳақда euro-football.ru хабар беради.
Никитиннинг таъкидлашича, ҳозирги «Милан»ни томоша қилганда жамоа рақиблардан анча устун кўринмайди. Унинг айтишича, «Интер» сингари тўлиқ ҳукмронлик сезилмаса-да, «Милан» барибир очколарни йиғишда давом этяпти, бироқ голлар уларга жуда қийинлик билан насиб қилмоқда. Никитиннинг сўзларини «Матч ТВ» келтирди.
25 турдан сўнг «Милан» А Серия жадвалида иккинчи ўринда бормоқда. Массимилиано Аллегри бошқарувидаги жамоа 25 учрашувда 54 очко жамғарган.