«Марсель» жамоаси бош мураббийликка Хабиб Бейени тайинлади
«Марсель» клубида бош мураббий алмашди: жамоани энди 48 ёшли Хабиб Бейе бошқаради. «Провасликлар» матбуот хизмати сенегаллик мутахассис билан келишувга эришилганини расман эълон қилди. Бейенинг сўнгги иш жойи «Ренн» бўлиб, у бу лавозимни ой бошида тарк этган эди. Бу ҳақда euro-football.ru хабар беради.
Хабиб Бейе футболчи сифатида ҳам «Марсель» шарафини ҳимоя қилган — у 2003–2007 йилларда клуб сафида тўп сурган. У «оқ-кўклар» бошқарувида ўтган ҳафта истеъфога чиққан Роберто де Дзербининг ўрнини эгаллайди.
Айни пайтда «Марсель» Лига 1 турнир жадвалида 22 турдан сўнг 40 очко билан тўртинчи ўринда бормоқда. Жамоа жума куни сафарда «Брест»га қарши чемпионат учрашувини ўтказади, ўйин 00:45 да (Тошкент вақти билан) бошланиши белгиланган.