«Бока Хуниорс» Марсело Делгадони спорт директори этиб тайинлади
Аргентинанинг «Бока Хуниорс» клуби янги спорт директорини расман эълон қилди — бу лавозимга Марсело Делгадо келиб қўшилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
«Бока Хуниорс» таркибни тезроқ кучайтиришга муҳтож, шу боис Делгадо ва Рикелме олдида трансфер бозорида фаол ишлаш ҳамда жамоага зарур қўшимчаларни топиш вазифаси турибди.
Делгадо футболчилик фаолиятида ҳам катта тажрибага эга: у 1995–2002 йилларда Аргентина терма жамоаси сафида 18 ўйин ўтказган ва 1998 йилги Жаҳон чемпионатида ҳам майдонга тушган.
Шунингдек, 2003 йилда у Либертадорес кубогининг энг яхши тўпурари бўлган — бу натижани «Сантос» ҳужумчиси бразилиялик Рикардо Оливейра билан бирга қайд этган.