Осимҳен Ювентус устидан ғалабани ортиқча нишонлади
Туркиянинг «Галатасарай» жамоаси Чемпионлар лигаси плей-офф босқичидаги илк учрашувда Туриннинг «Ювентус» клубини ишончли тарзда мағлуб этди. Истанбул клуби рақиб дарвозасига бешта гол уриб, ўз дарвозасидан атиги иккита тўп ўтказиб юборди. Бу ҳақда euro-football.ru хабар беради.
Баҳсда Виктор Осимҳен энг фаол футболчилардан бири бўлди: у нафақат гол урди, балки жамоадошларига ҳам бир неча бор голли паслар узатиб, ҳужум чизиғида катта таъсир кўрсатди.
Ўйиндан кейин собиқ «Наполи» ҳужумчиси ҳиссиётларга берилиб кетди. Хабар қилинишича, у стадионнинг ички йўлагида қувончдан кичик тартибсизлик қилиб, ёритиш ускуналаридан бирини синдириб қўйган. Етказилган зарарни эса клуб ўз ҳисобидан қоплаган.
Жавоб учрашуви бир ҳафтадан сўнг «Ювентус» майдонида бўлиб ўтади.