Осимҳен «Ювентус» устидан ғалабани жуда жўшқин нишонлади
Туркиянинг «Галатасарай» клуби Чемпионлар лигаси плей-офф босқичининг илк учрашувида Туриннинг «Ювентус» жамоасини ишончли тарзда мағлуб этди. Ўйин 5:2 ҳисобида якунланди. Бу ҳақда euro-football.ru хабар беради.
Учрашувда Виктор Осимҳен майдондаги энг фаол футболчилардан бири бўлди: у нафақат гол урди, балки жамоадошларига ҳам голли паслар билан ёрдам берди.
Ўйиндан кейин собиқ «Наполи» ҳужумчиси ҳиссиётларини жиловлай олмади. У стадионнинг ички йўлагида қувончдан кичик шовқин кўтарган ва ёритиш мосламаларидан бирини синдириб қўйган. Етказилган зарарни клуб ўз зиммасига олиб тўлагани айтилади.
Жавоб учрашуви бир ҳафтадан сўнг Турин жамоаси майдонида бўлиб ўтади.