«Бока Хуниорс» янги спорт директорини расман эълон қилди
Аргентинанинг «Бока Хуниорс» клуби спорт директори лавозимига Марсело Делгадони тайинлаганини маълум қилди. У клуб президенти, собиқ «Барселона» футболчиси Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Клуб таркибини тез фурсатда кучайтириш зарурати бор ва Делгадо ҳамда Рикелме тандемининг айнан шу йўналишда фаол иш олиб бориши кутилмоқда.
Делгадо футболчилик фаолиятида ҳам ном қолдирган: у 1995–2002 йиллар оралиғида Аргентина терма жамоасида 18 та учрашув ўтказган, жумладан 1998 йилги Жаҳон чемпионатида ҳам майдонга тушган.
Шунингдек, у 2003 йилда Либертадорес Кубогининг энг яхши тўпурари бўлган — бу натижани «Сантос» ҳужумчиси, бразилиялик Рикардо Оливейра билан бирга қайд этган.