Икарди хет-трик қилди ва «Галатасарой» рекордини янгилади
Туркия чемпионатининг 22-тур учрашувида «Галатасарой» «Эюпспор»ни йирик ҳисобда мағлуб этди — 5:1. Баҳснинг асосий қаҳрамонига айланган аргентиналик ҳужумчи Мауро Икарди уч гол уриб, жамоасига ишончли ғалаба олиб келди. Бу ҳақда euro-football.ru хабар беради.
Ушбу хет-трик Икардига клуб тарихидаги янги ютуқни ҳам тақдим этди: у «Галатасарой»нинг энг сермаҳсул легионери сифатида рекорд ўрнатди. Аввалги кўрсаткич румин Георге Ҳажига тегишли бўлиб, у 75 гол урганди, Икардининг ҳисобида эса энди 76 гол бор.
Умумий тўпурарлар рўйхатида эса аргентиналик форвард «Галатасарой» тарихида еттинчи поғонада қайд этилди. Эслатиб ўтамиз, Мауро Икарди 2023 йилдан буён турк клуби сафида ўйнаб келмоқда, ундан аввал у «ПСЖ» шарафини ҳимоя қилган.