Мали мураббийи Россияга қарши ўйин ҳақидаги миш-мишларга изоҳ берди
Кеча ОАВда Россия терма жамоаси баҳорда Мали билан майдонга тушиши мумкинлиги ҳақида хабарлар тарқалди. Бироқ Россия футбол иттифоқи ҳозирча бу маълумотни расман тасдиқлагани йўқ. Бу ҳақда euro-football.ru хабар беради.
Шу орада Мали терма жамоаси бош мураббийи Том Сайнфиет эҳтимолий учрашув бўйича фикр билдирди. Мутахассиснинг айтишича, у Россияга қарши ўртоқлик ўйини юзасидан ҳали расмий тасдиқ олмаган.
"Биз бу ўйинни ўтказишимиз ҳақида маълумот бор, лекин ҳозирча аниқ ишончим йўқ", — дея Сайнфиетнинг сўзларини келтиради "Match TV".
Аввалроқ Россия ва Мали терма жамоалари 27 март куни Краснодарда ўйнаши мумкинлиги ҳақида хабар берилганди.
Эслатиб ўтамиз, Россия терма жамоаси УЕФА ва ФИФА санкциялари сабабли қарийб тўрт йилдан бери фақат ўртоқлик учрашувларида иштирок этиши мумкин.