Рамазонда Тошкентда арзон озиқ-овқат ярмаркалари бошланди
Муборак Рамазон ойи арафасида пойтахт туманларида аҳолини арзонроқ ва сифатли озиқ-овқат маҳсулотлари билан таъминлаш мақсадида махсус ярмаркалар иш бошлади. Ташкилотчиларнинг нияти оддий: одамлар кундалик харидни “қимматчилик стрессисиз” қилиши, бозорларда эса нарх-наво сунъий равишда шиширилиб кетмаслиги.
Ярмаркалар деҳқон бозорлари ва йирик савдо нуқталарида йўлга қўйилган бўлиб, бу ташаббус президент топшириқлари ижроси доирасида амалга оширилаётгани ҳам қайд этилган.
Ярмаркалар манзиллари
- Яшнобод тумани — «Авиасозлар» деҳқон бозори
- Яккасарой тумани — «Аския» деҳқон бозори
- Чилонзор тумани — Чилонзор деҳқон бозори
- Миробод тумани — Миробод деҳқон бозори
- Мирзо Улуғбек тумани — «Наврўз» деҳқон бозори
- Юнусобод тумани — «Олой» деҳқон бозори ва Юнусобод деҳқон бозори
- Сергели тумани — Сергели деҳқон бозори
- Учтепа тумани — «Фарҳод» деҳқон бозори
- Шайхонтоҳур тумани — «Эски Жува» деҳқон бозори
- Бектемир тумани — «Қўйлиқ» деҳқон бозори
- Олмазор тумани — «Қорақамиш» деҳқон бозори
Маълум қилинишича, ярмаркалар Рамазон ойи давомида аҳолини асосий маҳсулотлар билан барқарор таъминлашга хизмат қилади. Яъни, ҳозир “қайси бозорга борсам экан?” деган саволга жавоб тайёр — ўз туманингиздаги деҳқон бозорига кириб чиқсангиз бўлди.