Гарри Кейн XXI асрда пенальтилар бўйича кучли учликка кирди
«Бавария» ҳужумчиси Гарри Кейн фаолиятидаги 100-пенальтини аниқ амалга оширди. Англиялик форвард Бундеслигада «Вердер»га қарши учрашувда (3:0) 11 метрликдан гол урди. Бу ҳақда euro-football.ru хабар беради.
Ўша ўйиннинг ўзида 32 ёшли футболчи яна бир муҳим маррани ҳам қайд этди: у умумий ҳисобда фаолиятидаги 500-голига етди.
FIFA World Cup Stats маълумотига кўра, Кейн XXI асрда пенальтилардан 100 та гол уришга эришган атиги учинчи футболчига айланди. Бу кўрсаткичда ундан фақат Криштиану Роналду (181) ва Лионель Месси (112) олдинда бормоқда.
Гарри Кейн 2023 йилда «Тоттенҳэм»дан «Бавария»га ўтган. У профессионал фаолиятининг катта қисмини Лондон клубида ўтказган эди.