Жикия маош кечикиши сабаб клубини ўзгартириши мумкин
«Анталяспор» ҳимоячиси Георгий Жикиянинг агенти Малик Арутюнов футболчининг келажаги борасида изоҳ берди. Бу ҳақда euro-football.ru хабар беради.
Агентнинг айтишича, Жикия маошлар кечикаётгани учун норози ва шу боис Россия Премьер-лигаси клубларидан тушаётган вариантларни кўриб чиқмоқда. Унинг сўзларига кўра, тўловлар ноябр ойидан бери ушланиб қолган, бироқ футболчи Туркиядаги шароитлардан умуман олганда мамнун.
32 ёшли ҳимоячи «Анталяспор» сафига ўтган йил ёзида қўшилганди. Жикия турк клуби билан икки йиллик шартнома имзолаган.
Жорий мавсум Туркия Суперлигасида Георгий 12 та ўйинда майдонга тушиб, 2 та гол урди ва 3 марта сариқ карточка олди.