Маротта Бастонини ҳимоя қилди ва ОАВни танқид қилди
Италияда «Интер» ҳимоячиси Алессандро Бастони билан боғлиқ баҳсли эпизод кенг муҳокама қилинмоқда. Футболчи йиқилишни намойиш қилгани айтиламоқда ва шу вазиятда миланликлар фойдасига жуда тортишувли пеналти белгиланган. Бу ҳақда euro-football.ru хабар беради.
Клуб президенти Жузеппе Маротта эса Бастонини ҳимоя қилиб чиқди. Унинг фикрича, айрим журналистлар футболчига қарши «медиявий кампания» бошлаб юборган. Маротта Бастонининг 26 ёшда эканини, А Серияда 300 дан ортиқ ўйин ўтказганини ва Италия терма жамоаси футболчиси эканини эслатиб, «кимдир унинг даражасини шубҳа остига қўяптими?» дея савол қўйди.
Мароттанинг таъкидлашича, симуляция мавзуси Италия футболида доим бўлган, эҳтимол бу эпизод хато бўлгандир. Бироқ у ўтган мавсум «Интер» ҳакамлик хатоси сабаб чемпионликдан ҳам айрилганини ҳам эслатди.
Ҳозирда «Интер» А Серия турнир жадвалида етакчилик қилмоқда.