Гарри Кейн 21 асрда пенальтидан 100 гол урган учинчи футболчи
Мюнхеннинг «Бавария» клуби ҳужумчиси Гарри Кейн фаолиятидаги 100-пенальтини голга айлантирди. Англиялик футболчи Бундеслигада «Вердер»га қарши учрашувда (3:0) 11 метрлик зарбани аниқ ижро этди. Бу ҳақда euro-football.ru хабар беради.
Ўша ўйиннинг ўзида 32 ёшли форвард яна бир муҳим маррани ҳам қайд этди: Кейн жами фаолияти давомида 500 та гол уришга эришди.
FIFA World Cup Stats маълумотига кўра, Кейн 21 асрда пенальтидан 100 гол урган атиги учинчи футболчига айланди. Бу кўрсаткич бўйича ундан фақат Криштиану Роналду (181) ва Лионел Месси (112) юқорида турибди.
Гарри Кейн «Бавария» сафига 2023 йилда «Тоттенҳэм»дан келиб қўшилганди. У профессионал фаолиятининг катта қисмини лондонликлар таркибида ўтказган.