РБ Лейпциг Волфсбургга қарши мағлубиятдан қутулиб қолди
Уй майдонида ўйин устунлиги РБ Лейпциг томонида бўлса-да, Волфсбург дарвозага йўллаган илк аниқ зарбаларидан икки гол чиқарди. Натижада “буқалар” ҳисобни қутқариш учун қувиб ўйнашига тўғри келди. Бу ҳақда euro-football.ru хабар беради.
Учрашув аввалида Конрад Хардер хавфли вазият яратиб, жуда оз фарқ билан нишонга аниқ ура олмади. Орадан кўп ўтмай Кристиан Эриксен узоқ масофадан зарба бериб, тўп устун ёнидан ўтиб кетди. Кейинги ҳужумларда Ян Диоманднинг зарбасини дарвозабон қайтарди, Хардер эса йиқилиб туриб қайчи услубида тепганида ҳам посбон ҳушёрлик кўрсатди.
Иккинчи бўлимда ҳам Диоманд яна бир бор дарвозабоннинг реакциясини синади. 52-дақиқада Адам Дагимнинг узатмасидан сўнг Моҳамед Амура ҳисобни очди — 0:1. 70-дақиқада Браян Груданинг пасини Диоманд голга айлантириб, мувозанатни тиклади — 1:1. Бироқ тез орада Маттиас Сванберг “бўрилар”ни яна олдинга олиб чиқди — 1:2.
Учрашув якунида РБ Лейпциг босимни кучайтирди ва 88-дақиқада Груда аниқ зарбаси билан мағлубиятнинг олдини олди — 2:2. Қўшимча дақиқаларда Кристоф Баумгартнер қулай вазиятдан фойдалана олмади, Ромуло Крузнинг зарбаси ҳам нишонга бормади.
Дурангдан кейин РБ Лейпциг турнир жадвалида 5-ўринда бормоқда, Волфсбург эса 15-поғонада.