Мартинович Ҳавертс билан майдондаги кулгили суҳбатни эслади
«Қайрат» футболчиси Александр Мартинович Европа Чемпионлар лигасидаги «Арсенал»га қарши ўйиндан сўнг лондонликлар ярим ҳимоячиси Кайо Ҳавертс билан бўлиб ўтган қизиқарли мулоқот ҳақида гапириб берди. Немис футболчисига Мартиновичнинг чеҳраси таниш туюлган. Бу ҳақда euro-football.ru хабар беради.
Мартиновичнинг айтишича, Ҳавертс: «Негадир юзингиз менга жуда таниш», деган. Шунда у «Байер»га қарши аввалги учрашувларни эслатиб, ўша пайтда рақибни мағлуб этишганини, шунингдек, Ҳавертс «Челси» сафида бўлган даврда ҳам майдонда бир неча бор тўқнаш келишганини таъкидлаган.
Мартинович ўз коллекциясида Ҳавертснинг ўйин футболкаси ҳам борлигини қўшимча қилди. Эслатиб ўтамиз, Александр аввалроқ Россияда ҳам тўп суриб, «Краснодар», «Урал» ва «Рубин» клублари шарафини ҳимоя қилган.
Маълумот учун, «Арсенал» ва «Қайрат» январь охирида Чемпионлар лигаси умумий босқичининг сўнгги турида учрашган. Лондон клубининг уйида кечган баҳсда мезбонлар 3:2 ҳисобида ғалаба қозонган.