Мартинович Ҳаверц билан кулгили суҳбатини эслаб берди
«Қайрат» ҳимоячиси Александр Мартинович Чемпионлар лигасидаги «Арсенал»га қарши ўйиндан кейин рақиб футболчиси Кай Ҳаверц билан бўлган қизиқарли мулоқоти ҳақида гапириб берди. Мартиновичнинг айтишича, Ҳаверц унга қараб, юзини қаердандир танийотгандек туюлган. Бу ҳақда euro-football.ru хабар беради.
«У: “Негадир юзинг менга жуда таниш”, деди. Мен эса бир пайтлар “Байер”ни бироз қийнаб, ундан ўтганимизни айтдим. Кейин у “Челси”да бўлган пайтида ҳам уларга қарши ўйнаганмиз, шунинг учун бир неча бор учрашганмиз”, — дея Мартиновичнинг сўзларини “Чемпионат” нашри “Матч ТВ” эфириги таяниб келтирди.
Мартинович Ҳаверцнинг ўйин футболкаси ҳам унинг коллекциясида борлигини қўшимча қилди. Эслатиб ўтамиз, Александр аввалроқ Россияда ҳам тўп суриб, «Краснодар», «Урал» ва «Рубин» сафида ўйнаган.
Маълумот учун, «Арсенал» ва «Қайрат» январ охирида Чемпионлар лигаси умумий босқичининг сўнгги турида тўқнаш келганди. Лондонда бўлиб ўтган баҳсда мезбонлар 3:2 ҳисобида ғалаба қозонган.