Роналду бойкотдан кейин «Ал-Наср» асосий таркибига қайтди
Криштиану Роналду яна «Ал-Наср» сафида. Жорже Жезуш бошчилигидаги жамоа шанба куни Саудия Арабистони чемпионатида сафарда «Ал-Фатех»га қарши ўйнайди ва португалиялик ҳужумчи учрашувни асосий таркибда бошлайди. Бу ҳақда euro-football.ru хабар беради.
«Ал-Наср»нинг мазкур ўйин учун старт таркиби қуйидагича: Бенто, ал-Ганам, Симакан, Мартинес, ал-Амри, ал-Ҳайбари, Брозович, Коман, Мане, Фелиш, Роналду.
Эслатиб ўтамиз, 41 ёшли Роналду Про-лигадаги «Ал-Наср»нинг аввалги икки учрашувини ўтказиб юборганди. ОАВда эса унинг клуб бошқарувидан норози бўлгани фонида ўйинларни бойкот қилаётгани ҳақида хабарлар тарқалган эди.
«Ал-Фатех» — «Ал-Наср» баҳси 22:30 да (Тошкент вақти билан) старт олади. Учрашувни матнли онлайн трансляция орқали кузатиш мумкин бўлади.