«Бока Ҳуниорс» янги спорт директорини расман таништирди
Аргентина гиганти «Бока Ҳуниорс» клубида спорт директори лавозимига янги тайинлов эълон қилинди. Эндиликда ушбу вазифани Марсело Делгадо бажаради ва у клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Раҳбарият жамоани зудлик билан кучайтириш зарурлигини яширмаяпти. Шу сабабли Делгадо ва Рикелме тандемининг трансферлар ҳамда таркибни мустаҳкамлаш масалаларида тезкор ечимлар устида ишлаши кутилмоқда.
Марсело Делгадо футболчилик фаолиятида ҳам танилган: у Аргентина терма жамоаси сафида 1995–2002 йилларда 18 учрашув ўтказган, жумладан 1998 йилги Жаҳон чемпионатида ҳам майдонга тушган.
Делгадо 2003 йилда Либертадорес кубогининг энг яхши тўпурари бўлган. У бу совринни «Сантос» ҳужумчиси, бразилиялик Рикардо Оливейра билан бирга қўлга киритган эди.