«Ан-Наср» бош мураббийи Роналдуга дам берди
«Ан-Наср» бош мураббийи Жорже Жезуш Криштиану Роналдунинг яқинлашиб келаётган ўйинда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик ҳужумчи бўйича қайтиш ҳақидаги гап-сўзлар кучайганига қарамай, бу сафар ҳам у рўйхатда бўлмайди.
Жезушнинг таъкидлашича, жамоа тиғиз тақвимни инобатга олиб, Роналду ва асосий таркибдаги яна бир нечта футболчига дам беришга қарор қилган. Мураббий бу қарорни шанба кунги «Ал-Фатех»га қарши муҳим учрашув олдидан қабул қилинганини қўшимча қилди.
Al Nassr Zone келтирган иқтибосда Жезуш Роналдунинг бундай дам олиши янгилик эмаслигини ҳам эслатди: у Саудия Арабистонидан ташқарида ўтадиган ўйинларни илк бор ўтказиб юборaётгани йўқ.
Саудия чемпионатида «Ал-Фатех» — «Ан-Наср» учрашуви шанба, 14-февраль куни бўлиб ўтади.