Нуньес ўрнига Бензема киритилди, уругвайлик рўйхатдан чиқарилди
Уругвайлик ҳужумчи Дарвин Нуньес мавсумнинг қолган қисмида араб чемпионатида майдонга тушмайди. «Ал-Ҳилол»нинг италиялик бош мураббийи уни миллий лига учун рўйхатдан чиқариб, ўрнига клубга келиб қўшилган Карим Бенземани қайдномага киритди. Бу ҳақда euro-football.ru хабар беради.
Шу билан бирга, Нуньес жамоанинг Осиё Чемпионлар Лигаси учрашувлари учун рўйхатида қолдирилгани таъкидланмоқда.
Эслатиб ўтамиз, футболчи аввалроқ Испаниянинг «Алмерия», Португалиянинг «Бенфика» ҳамда Англиянинг «Ливерпул» клубларида ўйнаган. У 2019 йилдан бери Уругвай терма жамоасига жалб этиб келинади ва ҳозиргача 13 та гол урган, шунингдек, 2022 йилги Қатар мундиалида ҳам иштирок этган.