«Ал-Ҳилал» Нунесни рўйхатдан чиқарди, Бензема киритилди
Уругвайлик ҳужумчи Дарвин Нунес мавсумнинг қолган қисмида Саудия Арабистони чемпионатида майдонга тушмайди. «Ал-Ҳилал»нинг италиялик бош мураббийи уни ички мусобақалар учун берилган рўйхатдан чиқариб, клубга келган Карим Бензема учун жой очди. Бироқ Нунес Осиё Чемпионлар лигаси ўйинлари қайдномасида сақлаб қолинди. Бу ҳақда euro-football.ru хабар беради.
Маълумот учун, Нунес фаолияти давомида Испаниянинг «Алмерия», Португалиянинг «Бенфика» ва Англиянинг «Ливерпул» клубларида тўп сурган. У 2019 йилдан бери Уругвай терма жамоасига мунтазам чақирилади ва ҳозиргача 13 та гол урган. Шунингдек, у 2022 йилги Жаҳон чемпионатида Қатарда ҳам иштирок этган.