Джикия «Антальяспор»даги ҳолати ҳақида фикр билдирди
«Антальяспор» ҳимоячиси Георгий Джикия Туркия клубидаги ҳолати юзасидан берилган саволларга жавоб қайтарди. 32 ёшли футболчининг қисқа изоҳи «ФНЛ с Ильёвым» телеграм-каналида эълон қилинган видеода намойиш этилди. Бу ҳақда euro-football.ru хабар беради.
Джикиядан жамоада ишлари қандай кетаётгани сўралганда, у ҳаммаси жойида эканини айтди. Шунингдек, Туркиядаги шароитлар кўнглидагидек эканини табассум билан тасдиқлади.
Маълумот учун, Джикия «Антальяспор» сафига ўтган ёзда келиб қўшилганди. Шу вақт ичида у барча мусобақаларда 13 учрашувда майдонга тушиб, 2 та гол муаллифи бўлди.
Ҳозирда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги учрашувини 13 февраль куни ўз майдонида «Самсунспор»га қарши ўтказади.