Эрмаков Трубиннинг «Реал» дарвозасига ургани кинодек деди
«Пари НН» ярим ҳимоячиси Никита Эрмаков «Бенфика» дарвозабони Анатолий Трубиннинг «Реал» дарвозасига киритган голи уни қандай ҳайратга солганини айтиб берди. Бу ҳақда euro-football.ru хабар беради.
Эслатиб ўтамиз, Чемпионлар лигасининг 8-турида Трубин қўшимча дақиқаларда гол уриб, португалияликларнинг плей-оффга чиқишига катта ҳисса қўшди.
Эрмаковнинг сўзларига кўра, бундай ҳолат гўё кинодагидек кўринган: у илгари дарвозабоннинг шундай вазиятда гол урганини умуман кўрмаганини, бу эса ўзи учун ҳам қўшимча мотивация бўлганини таъкидлади. Унинг фикрини «RB Sport» келтирди.
Қайд этилишича, қуръа натижаларига кўра «Реал» ва «Бенфика» Чемпионлар лигаси плей-оффининг стиков раундида яна ўзаро тўқнаш келади. Дастлабки учрашув 17 февраль куни Лиссабонда, жавоб баҳси эса 25 февраль куни Мадридда бўлиб ўтади.