Джикия «Антальяспор»даги аҳволи ҳақида саволларга жавоб берди
Туркиянинг «Антальяспор» клуби ҳимоячиси Георгий Джикия жамоа таркибидаги ҳозирги ҳолати юзасидан қисқа изоҳ берди. 32 ёшли футболчининг сўзлари «FNL s Ilyovym» телеграм-канали эълон қилган видеода янгради. Бу ҳақда euro-football.ru хабар беради.
Джикиядан клубдаги ишлари қандай кетаётгани сўралганда, у ҳаммаси жойида эканини айтди. Шунингдек, Туркиядаги шароит ва муҳит кўнглидагидек экани, барчаси ёқаётганини табассум билан тасдиқлади.
Маълумот учун, Джикия ўтган ёзда «Антальяспор» сафига қўшилган. Шу вақт ичида у 13 учрашувда майдонга тушиб, икки бор гол уришга ҳам улгурди.
«Антальяспор» ҳозир Туркия Суперлигаси жадвалида 14-ўринда бормоқда. Жамоа навбатдаги ўйинини 13 февраль куни ўз майдонида «Самсунспор»га қарши ўтказади.