Нейротармоқ уй-жой коммунал хизматлари компанияси мижозлари билан бир ойлик мулоқотдан сўнг сўкинишни ўрганди
Коммунал хизматлар бошқарув компаниялари учун овозли робот бир ой ичида мижозлар билан мулоқот жараёнида русча ҳақоратли сўзларни ўрганиб олди. Унинг ишлаб чиқувчилари бу хатони тузатишга мажбур бўлишди. Бу ҳақда 12 февраль куни Ахборот моделлаштириш технологиялари ташкилотлари миллий бирлашмаси (НОТИМ) президенти Михаил Викторов Сибир қурилиш форуми чоғида маълум қилди.
«Қизиқ бир ҳолатни айтиб ўтаман: бу — нейротармоқ, у ўрганади. Ва айнан биринчи ойнинг ўзидаёқ ишлаб чиқувчилар шундай ҳолатни қайд этишдики, нейротармоқ ҳақоратли сўзларни ўрганиб олган. Лекин халқ орасида айтилганидек, ким билан юрсанг, шунингдек бўласан», — дея Викторовнинг сўзларини ТАСС келтиради.
НОТИМ раҳбарининг қўшимча қилишича, бу фуқаролар билан самарали ишлаш кўрсаткичидир. Унинг сўзларига кўра, овозли ёрдамчи мижозларнинг 80 фоиз саволларини ҳал қилади. Бироқ, одамлар ғазабланган ва оператор ёрдами талаб қилинадиган фавқулодда вазиятлар ҳам мавжуд.
30 январь куни сунъий интеллект оддий эможиларни таний олмаслиги ҳақида хабар берилган эди. Хитойлик олимлар нейротармоқ эможиларни тизимдаги носозликка олиб келадиган ортиқча ва ноаниқ сигнал сифатида ўқишини аниқлади.