Канчелскис Головинни Дортмунднинг «Боруссия»сига тавсия қилди
«Монако»да саккизинчи мавсумини ўтказаётган Александр Головин бўйича собиқ россиялик футболчи Андрей Канчелскис фикр билдирди. Унинг айтишича, агар таклиф бўлганида, ярим ҳимоячи Дортмунднинг «Боруссия»сига ўтиши керак эди. Бу ҳақда euro-football.ru хабар беради.
«Агар немис клуби унга қизиққан бўлса, Александр Дортмундга бориши зарур эди. Ҳозир эса мавсум охиригача ўйнаб, кейин келажаги ҳақида қарор қабул қилгани маъқул», — дея Канчелскис сўзларини келтиради «RB Sport».
Канчелскис Головин Бундеслигада ўзини синаб кўриши мумкинлигини ҳам таъкидлади.
Головин «Монако» сафида жами 256 та расмий учрашувда майдонга тушган. Бу ўйинларда россиялик футболчи 36 гол уриб, 42 та голли пас муаллифи бўлган. Transfermarkt портали уни 18 миллион евроға баҳоламоқда.