«Бавария» вингери Майкл Олисе январнинг энг яхшиси бўлди
Мюнхеннинг «Бавария» жамоаси вингери Майкл Олисе Бундеслигада январ ойининг энг яхши футболчиси деб топилди. Бу ҳақда турнир матбуот хизмати маълум қилди. Бу ҳақда euro-football.ru хабар беради.
Қишнинг сўнгги ойида Олисе Германия чемпионатида 10 та голли ҳаракатни амалга оширди: у 3 марта рақиб дарвозасини ишғол қилган бўлса, яна 7 бор жамоадошлари учун голли узатма берди.
Таъкидлаш жоиз, бу мукофот Олисе учун мавсумдаги илк эътироф эмас: ноябрь ойида ҳам у Бундеслиганинг энг яхшиси сифатида тан олинганди.
Умуман олганда, жорий Бундеслига мавсумида Олисе ҳисобида 10 та гол ва 18 та голли пас бор. «Бавария» эса турнир жадвалида ишончли етакчи бўлиб турибди.