«Бока Жуниорс» клубида янги спорт директори тайинланди
Аргентинанинг «Бока Жуниорс» клуби спорт директори лавозимига Марсело Делгадони тайинлаганини маълум қилди. У клуб президенти Хуан Рикельме билан яқин ҳамкорликда ишлайди. Рикельме аввалроқ «Барселона» сафида ҳам тўп сурган. Бу ҳақда euro-football.ru хабар беради.
Клуб таркибини тез фурсатда кучайтириш заруратига дуч келмоқда ва Делгадо ҳамда Рикельме тандеми айнан шу йўналишда фаол ишлаши кутилмоқда.
Марсело Делгадо футболчилик фаолиятида ҳам катта тажрибага эга: у Аргентина терма жамоаси сафида 1995–2002 йиллар оралиғида 18 та ўйин ўтказган, жумладан 1998 йилги жаҳон чемпионатида ҳам майдонга тушган.
Шунингдек, 2003 йилда Делгадо «Сантос» ҳужумчиси Рикардо Оливейра билан бирга Либертадорес кубоги тўпурарлари рўйхатида биринчи ўринни эгаллаган.