Гарри Кейн «Бавария»нинг требл имкониятига баҳо берди
Мюнхеннинг «Бавария» клуби ҳужумчиси Гарри Кейн жорий мавсум якунида жамоа треблни қўлга киритиш эҳтимоли ҳақида фикр билдирди. Бу ҳақда euro-football.ru хабар беради.
«Бу, албатта, мумкин, лекин манзилгача ҳали анча йўл бор. Биз ўзимизни катта олиб юрмаймиз. Ҳали ҳам барча мусобақаларда курашни давом эттиряпмиз. Ўйинимиз ва клуб ичидаги муҳитни инобатга олсак, албатта, бундай имконият бор. Аммо требл ютиш учун бироз омад ҳам керак: ҳаммаси сиз томонга оғиши, натижаларни барқарор ушлаб туриш ва жароҳатлардан қочиш муҳим. Биз ҳозир қилаётган ишимизга диққатни жамлашимиз керак», — деди Кейн матбуот анжуманида.
Эслатиб ўтамиз, Гарри Кейн 2023 йилда «Тоттенҳем»дан «Бавария»га 95 миллион евро эвазига кўчиб ўтганди. Унинг шартномаси 2027 йил 30 июнгача мўлжалланган. Ушбу мавсумда форвард 34 учрашувда майдонга тушиб, 39 гол урди ва бешта голли узатма амалга оширди.