Наумов Моуринью учун Саудия лигасини мос деб билдирди
“Локомотив”нинг собиқ президенти Николай Наумов “Бенфика” бош мураббийи Жозе Моуринью учун қайси чемпионат кўпроқ мос тушишини айтди. У бу борадаги фикрларини “Евро-Футбол.Ru” нашрига берган интервьюсида билдирди. Бу ҳақда euro-football.ru хабар беради.
Наумовнинг таъкидлашича, Моуриньюнинг энг юқори даражадаги даври ортида қолган бўлиши мумкин. Эксперт фикрича, португалиялик мутахассисга танаффус керак, чунки у футбол тенденциялари бўйича бироз ортда қолган, авваллари эса ноодатий ва кутилмаган қарорлари билан ажралиб турарди.
“Саудия Арабистонида унга яхши бўлади: маошлар катта, у ерда можароларни яхши кўришади, қолаверса, катта ёшдаги номдор футболчилар билан ҳам ишлаш мумкин. Менимча, Саудия Арабистони унга мос”, — деди Наумов.
Моуринью бошқарувидаги “Бенфика” Чемпионлар лигаси 1/16 финалида Мадриднинг “Реал”ига қарши майдонга тушади. Дастлабки учрашув 17 февраль куни Португалияда бўлиб ўтади.