Антонин Паненка «паненка» услубидаги пенальти ҳақида фикр билдирди
Чехиялик футбол афсонаси Антонин Паненка пенальтиларни «паненка» услубида тепиш рақибга ҳурматсизлик деган қарашга қўшилмаслигини айтди. У бу зарбани илк бор Европа чемпионати-1976 финалида қўллаб, футбол тарихида алоҳида из қолдирганди. Бу ҳақда euro-football.ru хабар беради.
Паненканинг таъкидлашича, у ўша вазиятда рақибни масхара қилиш ҳақида эмас, айнан гол уриш эҳтимоли энг юқори бўлган ечим ҳақида ўйлаган. «Финалда сен рақиб устидан кулиш учун эмас, гол уриш учун майдонга тушасан. Мен футболни яхши кўраман ва ҳеч кимнинг устидан кулishni истамаганман. Ўша пайтда бу энг тўғри йўл деб ўйлагандим», — деди Паненка Cadena SER’нинг El Larguero дастурида.
Эслатиб ўтамиз, аввалроқ Паненка Африка кубоги финалида Брахим Диас нега «паненка» услубида гол ура олмаганига доир фикрларини ҳам билдирганди.