The Athletic талқинида тарихнинг энг кучли футболчилари аниқланди
Ижтимоий тармоқларда The Athletic томонидан тузилган тарихдаги 100 нафар энг яхши футболчи рўйхати кенг тарқалди ва у футбол мухлислари орасида катта қизиқиш уйғотди. Бу ҳақда euro-football.ru хабар беради.
Рейтингнинг кучли ўнлигига Лионель Месси, Диего Марадона, Пеле, Йохан Кройф, Криштиану Роналду, Алфредо ди Стефано, Франс Беккенбауэр, Зинедин Зидан, Ференц Пушкаш ва Мишел Платини киритилган.
Албатта, бундай рўйхатларни мутлақо холис тузиш қийин. Reddit’да мухлислар қизғин баҳсга киришиб, айримлар уч карра жаҳон чемпиони Пеле нега фақат учинчи ўринда қолганидан норози эканини билдирган.
Шунингдек, дарвозабонлар орасида афсона саналадиган Лев Яшин ушбу рейтингда 18-поғонадан жой олди.