Дурдона Қурбонова бўлажак умр йўлдоши қандай бўлишини очиқлади
Актриса Дурдона Қурбонова берган интервюларидан бирида бўлажак турмуш ўртоғи қандай инсон бўлиши кераклиги ҳақида очиқ гапирди.
У ўзини жуда қизғанчиқ ва рашкчи инсон деб билишини айтар экан, келажакдаги умр йўлдошини шоу-бизнес вакиллари орасидан тасаввур қила олмаслигини таъкидлади. Актрисанинг сўзларига кўра, бўлажак турмуш ўртоғи бизнесмен ёки тадбиркор бўлиши маъқул.
Шунингдек, Дурдона турмуш ўртоғининг ёши ўзи билан тенг ёки ундан катта бўлиши кераклигини ҳам алоҳида қайд этди.
— Ёнимда юрганида унинг мендан катталигини ҳис қилиб туришим керак. Дунёқараши кенг, фикрлаши меникидан юқори бўлиши муҳим. Агар мендан кичик бўлса, унга доим ақл ўргатиб, маслаҳат бериб юришимга тўғри келади, — деди актриса.