Жанубий Кореяда ҳарбий вертолёт қулади
Жанубий Корея Қуролли кучларига тегишли ҳарбий вертолёт мамлакатнинг шимоли-ғарбий қисмида жойлашган Кёнгидо провинцияси, Капхён уезди ҳудудида ҳалокатга учради.
«Yonhap» ахборот агентлигининг хабар беришича, ҳодиса маҳаллий вақт билан кун давомида содир бўлган. Дастлабки маълумотларга кўра, парвозни амалга ошираётган вертолёт номаълум сабабларга кўра ерга қулаган.
Воқеа оқибатида вертолёт бортида бўлган икки нафар шахс турли даражада жароҳат олган. Уларга шифокорлар томонидан тезкор тиббий ёрдам кўрсатилгани маълум қилинди.
Айни пайтда ҳодиса жойида тегишли хизматлар иш олиб бормоқда. Мутасадди идоралар вертолётнинг қулашига нима сабаб бўлганини аниқлаш мақсадида текширув ишларини бошлаган.
Расмийлар ҳодиса юзасидан қўшимча маълумотлар кейинроқ эълон қилинишини билдирган.