«Бока Хуниорс» клубида янги спорт директори тайинланди
Аргентина гранди «Бока Хуниорс» клубида спорт директори лавозимига янги ном тайинланди — эндиликда бу масъулиятни Марсело Делгадо бажаради. У клуб президенти Хуан Рикелме билан яқин ҳамкорликда ишлайди, Рикелме аввал «Барселона» сафида ҳам тўп сурган. Бу ҳақда euro-football.ru хабар беради.
Клуб таркибни тез фурсатда кучайтиришга муҳтож экани таъкидланмоқда. Шу боис Делгадо ва Рикелме олдида трансфер йўналишида жиддий вазифалар турибди.
Марсело Делгадо футболчи сифатида ҳам бой тажрибага эга: у 1995–2002 йилларда Аргентина терма жамоасида 18 учрашув ўтказган ва 1998 йилги жаҳон чемпионатида ҳам иштирок этган.
2003 йилда эса Делгадо Либертадорес кубогининг энг сермаҳсул футболчиларидан бири бўлган — у «Сантос» ҳужумчиси Рикардо Оливейра билан бирга турнир тўпурарлари рўйхатини бошқарган.