The Athletic рейтингида тарихнинг энг зўр футболчиси эълон қилинди
Ижтимоий тармоқларда The Athletic тузган футбол тарихидаги энг кучли 100 футболчи рўйхати кенг муҳокамага сабаб бўлмоқда. Бу ҳақда euro-football.ru хабар беради.
Рейтингнинг кучли ўнталиги қуйидагича: Лионел Месси, Диего Марадона, Пеле, Йохан Кройф, Криштиану Роналду, Альфредо ди Стефано, Франц Беккенбауэр, Зинедин Зидан, Ференц Пушкаш ва Мишел Платини.
Бундай рўйхатни мутлақо холис тузиш қийин экани табиий. Reddit’даги изоҳларда футбол ихлосмандлари ўртасида қизғин баҳслар авж олди. Айримлар уч карра жаҳон чемпиони бўлган Пеле нега фақат учинчи ўринга қўйилганидан норози.
Шунингдек, дарвозабон афсонаси Лев Яшин ушбу рейтингда 18-поғонадан жой олди.