Эпштейн тирикми? Fortnite профили яна шубҳа уйғотди

Интернетда Жеффри Эпштейн тирик бўлиши мумкинлиги ҳақидаги назария яна тарқалди. “Primetimer”га кўра, бунга littlestjeffi тахаллуси билан очилган Fortnite профилининг фаоллиги сабаб бўлган: маълумотларда у 2019 йилдан кейин Исроил ҳудудида фаол бўлган бўлиши мумкинлиги айтилмоқда. Қизиқиш кучайгач, хабарларга кўра, профиль ёпиқ режимга ўтказилган.

Хабарларда айтилишича, Эпштейн иши бўйича файлларнинг янгиланган версияларида ушбу фойдаланувчи номи молиячи билан боғлиқлиги ҳақида эслатмалар учрайди. Бу боғлиқлик турли рақамли излар, жумладан, YouTube’даги обуналар орқали аниқлангани қайд этилган. Шу билан бирга, расмий ҳужжатларда Эпштейн 2019 йил 10 август куни Нью-Йоркдаги қамоқхонада вафот этгани ёзилган, аммо айримлар аккаунт мавжудлиги ва сўнгги фаоллик шу маълумотларга шубҳа уйғотганини айтмоқда.

Эпштейн иши бўйича сўнгги янгиланишларда илгари эълон қилинмаган материаллар ҳам чоп этилгани билдирилган: жасад суратлари, суд-тиббий очиш ҳисоботлари, психологик хулосалар ва қамоқхона ички ҳужжатлари. Таҳлилчилар бу даъволар ҳақиқатга яқин эмас, дейишса-да, айрим тахминларда эгизак, қиёфадош ёки яқин қариндош ҳақида гапирилмоқда.

Маълумот учун, Жеффри Эпштейн — америкалик молиячи ва инвестиция банкири бўлган. 2019 йилда у вояга етмаганларни жинсий эксплуатация қилиш мақсадида одам савдоси билан шуғулланганликда айбланиб ҳибсга олинган. Унга 40 йилдан ортиқ қамоқ таҳдиди бор эди, аммо бир ой ўтиб камерасида ҳушсиз ҳолатда топилган ва вафот этган: расмий хабарларда — ўз жонига қасд, норасмий хабарларда эса у йўқ қилингани ҳақида гаплар келтирилади.

Яна бир даъво: ҳужжатларда Метрополитен жазони ижро этиш маркази ходимининг 2019 йил 10 августда ёзилган аноним хабари тилга олинади. Унда давлат рақамисиз фургон келгани, носилкада маҳбус олиб кирилгани ва жасад алмаштирилган бўлиши мумкинлиги айтилган.