Наргиза Абдуллаева 22 йилдан сўнг Ҳасан Ҳабибуллаев билан яна бир саҳнада
Актриса Наргиза Абдуллаева мухлислари учун қувончли янгиликни маълум қилди. У 22 йил аввал суратга олинган ва томошабинлар хотирасида қолган “Бегона баҳор” фильмидаги эгизак фарзандлардан бири — актёр Ҳасан Ҳабибуллаев билан яна бир лойиҳада бирга ишлаётганини билдирди.
Актрисанинг айтишича, бу сафар улар мутлақо янги фильмда ҳамкорлик қилмоқда. Янги лойиҳада Наргиза Абдуллаева қизи учун муносиб куёв топган она образини ижро этади. Эътиборлиси, айнан шу куёв ролини Ҳасан Ҳабибуллаев гавдалантирмоқда.
Маълум қилинишича, актриса ҳозирча фильмнинг номини ошкор қилмаган ва уни сир сақлашни маъқул кўрган. Бироқ у янги лойиҳа жуда юқори савияда ишланаётганини, сценарий ва суратга олиш жараёни жуда қизиқ кечаётганини таъкидлади.
Наргиза Абдуллаева, шунингдек, мазкур иш томошабинлар учун ажойиб фильм ва сериал даражасида бўлишини, уни албатта кўриш кераклигини ҳам қўшимча қилди.