Ҳиндистонлик талабалар Ўзбекистонда ўқишни афзал кўрмоқдами?
Миллий статистика қўмитаси эълон қилган дастлабки кўрсаткичларга кўра, 2025 йил давомида Ўзбекистонга таҳсил олиш мақсадида жами 39 700 нафар хорижий фуқаро келган. Бу ўтган йилнинг шу даври билан солиштирилганда 58,2 фоизга юқорилиги билан ажралиб туради.
Статистикага қараганда, талабаларнинг аксарияти Ҳиндистондан бўлиб, 17 241 нафарга етган. Иккинчи ўринда Туркманистон (9 349 нафар), ундан кейин Тожикистон (2 904 нафар) қайд этилган.
Шунингдек, Покистон (1 779), Хитой (1 428), Жанубий Корея (917), Қирғиз Республикаси (912), Миср (893), Филиппин (745) ва АҚШ (482) фуқаролари ҳам Ўзбекистонда таълим олиш учун танлов қилган. Қолган 3 011 нафар талаба эса бошқа давлатлардан келган.